#pe #एग अॅंड पोटॅटो #दम_आलू_काश्मिरी...फळ भाज्यांचा राजा बटाटा... बटाट्याला राजा म्हटलेले आहे.. का म्हणून काय विचारता.. अहो पदोपदी आपल्याला या फळभाज्याच्या राजाची आवश्यकता भासते.. राजा जसे प्रजेचे हित बघतो, त्यांना अडीअडचणीला मदत करतो, त्यांना संकटातून बाहेर काढतो त्याच पद्धतीने बटाटा हा राजा गृहिणींच्या तत्पर सेवेला हजर असतो .. राजाचे जसे आपल्या प्रजेकडे डोळ्यात तेल घालून लक्ष असते.. तसेच बटाटा आपल्या असंख्य डोळ्यांनी त्याच्या प्रजेवर बारीक लक्ष ठेवून असतो..🤩मला इथे एक लहानपणीच्या गाण्याच्या दोन ओळी आठवतात "बटाट्या बटाट्या तुला डोळे किती, पाहात राहिलास तर वाटते भीती" तर असा हा आपला सर्वांचा लाडका राजा.. बरं ह्याचे प्रधानजी आणि सेनापती कोण आहे तुम्हाला माहिती आहे का.. ते पण आपल्या स्वयंपाक घरात आपल्या दिमतीला हजर असतात बटाटा राजांबरोबर.. बरोबर ओळखलंत.. लालबुंद टोमॅटो म्हणजे प्रधानजी आणि सगळ्यांच्या डोळ्यातून पाणी काढणारा कांदा म्हणजेच सेनापती.. असे हे त्रिकूट स्वयंपाक घरात ओट्यावर जमले की शत्रुपक्ष नामोहरम झालाच म्हणून समजा.. काय म्हणताय कळलं नाही.. थांबा सांगते.. घरातील गृहिणी सोडून इतर सर्व जण मेंबर्स जे काही भाज्यांना, काही पदार्थांना अगदी नाक मुरडतात ..तोच हा शत्रू पक्ष.. पण बरं का महाराजा.. आपली गृहिणी पण काही कमी नसते ..ती पण सर्वांना नाक मुठीत ठेवून शरण यायला भाग पाडते.. आता इथे राज्याचे हे जे त्रिकूट आहे ते गृहिणीच्या मदतीला धावते.. आणि मग हे सर्वजण मिळून असा काही रुचकर खमंग पदार्थांची व्यूहरचना रचून strategy आखतात की समोरचा शत्रुपक्ष पूरा flat.. पार पांढरं निशाण फडकावून गृहिणी पुढे शरणागती पत्करतो आणि मग ही गृहिणी या त्रिकुटाचा कडे बघत विजयी हास्याची सलामी देते.