मिनी पोटॅटो कुकर मधून एक शिटी काढून शिजवून घ्यावे. मग गार झाल्यावर त्याची सालं काढून बटाट्यांना फोक ने (काटा) टोचून थोड्या तेलात जरासे तिखट, हळद आणि मीठ घालून फ्राय करुन घ्यावे.

ग्रेव्ही साठी एका पॅममधे कांदा आणि टोमॅटोच्या मोठ्या फोडी करुन घालून त्यात धणे, जिरे, काळी वेलची, काजू, दालचिनी, मीरे आणि ‌एक कप पाणी घालून शिजवून घ्यावे. नंतर गार झाल्यावर त्याची प्युरी करावी. मग पॅममधे तेल घालून त्यात तिखट पूड, हळद, धणे-जिरे पूड, गरम मसाला, मीठ आणि साखर घालून मिक्स करुन त्यात कांदा टोमॅटोची प्युरी घालून परतून घ्यावे.

मग त्यात दही घालून चांगले परतावे. नंतर त्यात बटर आणि कसूरी मेथी घालून मिक्स करावी.

मग ग्रेव्हीमधे फ्राय केलेले मिनी पोटॅटो घालून झाकण ठेवून मंद आचेवर पाच मिनिटे उकळावे.