गव्हाचे पीठ, मैदा मिक्स करून घेणे त्यामध्ये दोन टेबलस्पून तेल ऍड करून हाताने छान पिठामध्ये मिक्स करून घेणे.

आता यामध्ये ओवा, हळद,तिखट आणि मीठ ऍड करू मिक्स करून घेणे. आता थोडे थोडे पाणी टाकून मऊसर पीठ मळून घेणे आणि झाकून अर्धा तास बाजूला ठेवणे.

आता अर्ध्या तासानंतर मळलेल्या पिठाचे चार गोळे तयार करून घेणे. दोन वाट्या पिठामध्ये चार पराठे तयार होतात. त्याचा एक गोळा घेऊन पातळ लाटून घेणे.

आता लाटलेल्या पोळीवर सर्व बाजूने तूप लावून घेणे.आता सुरीने किंवा कटरने फोटो मध्ये दाखविल्याप्रमाणे पोळीला स्ट्रिप्स कट करून घेणे.आता यावर हाताने मैदा स्प्रेड करून घेणे.

आता खाली फोटो मध्ये दाखविल्याप्रमाणे एका साईडने स्ट्रिप्स एकत्र करा रोल तयार करून घेणे.रोल तयार करताना थोडं थोडं तूप आणि मैदा स्प्रेड करत रोल करून घेणे.

आता एक रोल घेऊन हलक्या हाताने प्रेस करून पराठा तयार करा किंवा हलक्या हाताने जाडसर लाटून सुद्धा पराठा तयार करू शकता.

आता गॅसवर तवा गरम करून घेणे आणि तयार केलेला पराठा बटर लावून दोन्ही साईड ने छान मध्यम टू हाय फ्लेमवर भाजून घेणे.

तयार केलेला पराठा हाताने हलकासा साईड ने प्रेस करून लच्छे मोकळे करून घेणे मस्त असा ओव्याचा लच्छा पराठा तयार होतो.

हा पराठा नुसता सुद्धा खूप छान लागतो किंवा वरून बटर किंवा तूप टाकून लोणचे आणि दही सोबत सुद्धा सर्व्ह करू शकतो.