आधी बटाटे उकडून सोलून घ्यावे. त्यानंतर मॅश करून घ्यावे. एका कढईत थोडे तूप टाकून गरम करावे. त्यात आधी काजू, बदाम, आणि नंतर किसमिस टाकून भाजून घ्यावे. तसेच कोमट दुधात केशर टाकून घ्यावे.

दुसऱ्या प्लेटमध्ये काढून घ्यावे. आता त्यात उरलेले तूप टाकून गरम झाल्यावर, मॅश केलेले बटाटे टाकावे. आणि छान सोनेरी होईपर्यंत परतून घ्यावे. नंतर त्यात मिल्क पावडर टाकून चांगले मिक्स करून घ्यावे. भाजलेला सुकामेवा टाकावा.

चांगले एकत्र करून आता त्यात केशराचे दूध टाकावे. मिक्स केल्यानंतर त्यात पिठी साखर घालावी. परतून घ्यावे. चिमुटभर मीठ टाकावे.म्हणजे गोड पदार्थाला छान चव येते.

रोझ इसेन्स टाकून मिक्स करून पुन्हा दोन मिनिट परतून घेतले, की मस्त शाही बटाटा शिरा खाण्यासाठी तयार आहे...