सगळे साहित्य जमा करून घ्या. पालक ब्लांच करायला पाणी उकळायला ठेवा.

त्या पाण्यात चुकटीभर मीठ घालून घ्या. पाणी उकळले की पालक घालून गॅस लगेचच बंद करा. व पालकाच्या भांड्यावर झाकण ठेवा.दोन मिनिट तसेच ठेवावे. आता पालक,काढून घ्या.
पालक, मिरच्या व जीरे घालून फिरवून पेस्ट करा.

कणकेत पालक पेस्ट,मीठ,हळद व हिंग,तीळ घालून एकत्र करून घ्या. लागेल तसे पाणी घालून गोळा भिजवून घ्या (पोळी प्रमाणे)

दहा मिनिट मुरवत ठेवा.
आता तवा गरम करा लो मिडीयम फ्लेमवर. कणीकेचे गोळे करून घ्या. व पोळपाटावर एक गोल जाडसर पारी लाटून घ्या.त्या पारीला तेल लावून घ्याव एक बाजू फोटो प्रमाणे फोल्ड करा.

आता तेल लावून परत त्याच्या समोरची बाजू घडी घालून आधीच्या घडीवर ठेवा.परत तेलाचा हात लावा.आता आपल्याला आडवी घडी मिळेल.आता परत समोरा समोरच्या बाजू तेल लावून घडी घालून घ्या.

आता त्याला तेल लावून मधून घडी घाला आडवी आपल्याला फोटोप्रमाणे गोळा तयार दिसेल.टोटल सहा घड्या घालून घ्यायच्या आहेत.चौकोनी पराठा लाटून घ्यायचा आहे.

दोन्ही बाजूनी खरपूस तव्यावर तेल लावून पराठा भाजून घ्या.आपला छान लेयर्स पराठा तयार होईल.

असेच सगळे पराठे तयार करून घ्या. शेंगदाणा चपणी आणी दह्या बरोबर सर्व्ह करा.