प्रथम अळूची पाने स्वच्छ धुऊन त्याच्यामागे जो देठ असतो तो थोडं सुरीने काढून ठेचून तयार घेणे तसेच एका पातेल्यात चिंचेचा कोळ काढून त्यात गुळ विरघळून घेणे व आलं मिरची लसूण यांची पेस्ट तयार करणे.

चिंचेचा कोळ काढलेल्या भांड्यातच बेसन, तांदळाचे पीठ,आलं मिरची लसूण पेस्ट, हळद, मसाला, धने जीरे पावडर, गरम मसाला, तीळ, मीठ, तेल सर्व घालून एकजीव करावे व थोडे थोडे पाणी घालून त्याचा थोडा घट्ट असा घोळ तयार करून अळूची पान उलट ठेवून त्याच्यावर केलेले मिश्रण लावून परत दुसरे पान विरुद्ध दिशेने लावावे व परत तयार मिश्रण लावावे.

मिश्रण लावलेले पान चारी बाजूने फोल्ड करून त्याचा रोल बनवावा व आपण मोदक उघडतो त्याप्रमाणे वडी दहा मिनिटे फास्ट गॅसवर उकडून घ्यावी.

वाफवलेली वडी थंड झाल्यावर त्याचे गोल तुकडे करून गॅसवर तवा ठेवून ती शॅलो फ्राय करावी किंवा डीप फ्राय करावी.