प्रथम 1 मेजरिंग कप चण्याची डाळ स्वच्छ पाण्याने धुऊन घेतली. आणि 3 तास पाण्यात भिजवून घेतली.

मग मिक्सरच्या 10-15 लसणाच्या पाकळ्या,1 इंच आल्याचा तुकडा, 1चमचा जीरे आणि 5-6,हिरव्या मिरच्या घालून, पाणी न घालता जाडसर वाटून घेतली. त्यात नंतर भिजवून घेतलेली डाळ घालून पाणी न घालता जाडसर वाटून घेतली. आणि एका बाउल मध्ये काढून घेतल्या.

नंतर चिरलेली 3 मेजरिंग कप कोथिंबीर वाटलेल्या डाळीवर घालून, 2-3 चमचे पांढरे तीळ, 1/2 चमचा ओवा, हातावर चुरडून घातला. मग त्यात 1/4 चमचा हळद, 1/2,चमचा मिरची पावडर, चवीपुरते मीठ आणि 3 मोठे चमचे बेसन पीठ घालून,चांगले एकजीव करून घेतले. व रोल करून पाहिला.

मग एका ताटाला इकोबेक पेपर लावून त्यावर तयार मिश्रण चांगले थापून घेतली. आणि थापलेल्या वडिवर वरून पुन्हा पांढरे तीळ घालून, ते चांगले दाबून घेतले.

मग एका कढईत पाणी घालून त्यावर उंच स्टँड ठेवून मग त्यावर थापून घेतलेलया वडीचे ताट ठेवून, मध्यम गॅसवर 12 ते 13 मिनिटे झाकून ठेवावे.

नंतर 12 ते 14 मिनिटानंतर इडली पात्राचे झाकण काढून, सुरी घालून, सुरीला सारण न चिकटता, बाहेर आली म्हणजे आपली कोथिंबीर वडी तयार झाली.

आता कोथिंबीर वडीचे ताट बाहेर काढून, ती चांगली थंड झाल्यावर, मग वड्या कापून घेतल्या.

नंतर तेल घालून मध्यम गरम झाल्यावर, त्यात वड्या घालून, मंद ते मध्यम गॅसवर, वड्या सतत हलवत रहायचे. आणि खरपूस तळून घ्याव्यात.

आणि आता सर्व्ह करण्यासाठी तयार आहेत आपलया गरमागरम, कुरकुरीत खुसखुशीत कोथिंबीर वड्या.