प्रथम एका बाउल मध्ये 2 मेजरिंग कप ज्वारीचे पीठ,1/2 कप गव्ह्याचे पीठ, 1/4 कप बेसन आणि 1/4 कप तांदळाचे पीठ, 1/4 चमचा हळद,1 चमचा तीळ, 1 चमचा ओवा,1/2 कप बारीक चिरलेली कोथिंबीर, आणि चवीपुरते मीठ घालून घेतले.

मग एका मिक्सरच्या भांड्यात 1/2 चमचा जीरे, 4-5 हिरव्या मिरच्या, 7-8 लसूण पाकळ्या, 1/2 इंच आले घालून ते चांगले बारीक वाटून घेतले.

आता वाटलेला मसाला वरील पीठात घालून, पीठ चांगले मिक्स करून घेतले. मग त्यात 1 कप पाणी थोडे थोडे घालून पीठ चांगले मळून घेतले. आणि 5-7 मिनिटे पीठ झाकून ठेवले.

5 मिनिटानंतर पिठाला तेलाचा हात लावून पीठ चांगले मळून घेतले. आणि त्याचे गोळे करून घेतले. व त्याची पोळी लाटून घेतली. आणि वाटीच्या
सहाय्याने पुऱ्या कापून घेतल्या.

मग एका कढईत तेल घालून ते चांगले गरम झाल्यावर, त्यात पिठाचा एक छोटा गोळा घालून, तो पटकन वर आला, म्हणजे आपले तेल चांगले तापले आहे. मग त्यात पुऱ्या घालून मध्यम आचेवर पुऱ्यावर तेल सोडत,पुऱ्या चांगल्या टम्म फुगल्या आणि खुसखुशीत पुऱ्या तयार.

आणि आता बटाट्याच्या रस्सा भाजी, बरोबर सर्व्ह करा गरमागरम ज्वारीच्या खुसखुशीत पुऱ्या. ह्या पुऱ्या 7-8 दिवस अगदी व्यवस्थित राहतात. त्यामुळे प्रवासात सुद्धा घेऊन जाऊ शकतो.