ஒரு அடி கனமான வாணலியில், பாசிபயிறை சேர்த்து அதை நன்கு வாசனை வரும் வரை வறுத்து கொள்ளவும்.

பின்னர் வேறொரு வாணலியை எடுத்து கொண்டு அதில் சிறிதளவு நெய் ஊற்றி, முந்திரி, ஏலக்காய் போட்டு நன்றாக வறுத்து கொள்ளவும். பிறகு அதில் தேங்காய் துருவலை சேர்த்து லேசாக வறுக்கவும்

ஏலக்காய், ஒரு தேக்கரண்டி சர்க்கரை, முந்திரி பருப்பு. இவை மூன்றையும் மிக்ஸியில் நன்றாக பொடித்து கொள்ளவும்.

பின்னர் வறுத்து வைத்திருக்கும் பாசிபயிறை பொடித்து நன்றாக சலித்து கொள்ளவும்.

வெல்லத்தை ஒரு பாத்திரத்தில் போட்டு, சிறிதளவு தண்ணீர் விட்டு கரைத்து, வடிகட்டி, கம்பி பதம் வரும் வரை கொதிக்க விடவும்.

பாகு கம்பி பதம் வந்தவுடன் அதே சூட்டில் இருக்கும் போதே பாசிபயிறு மாவை அதில் கொட்டி கட்டியில்லாமல் கிளறவும்

அதில் தேங்காய் துருவல், முந்திரி, ஏலக்காய், இவை மூன்றையும் போட்டு நன்கு கிளறவும்.

கிளறி வைத்திருக்கும் மாவை சிறி சிறு உருண்டைகளாக (அரைநெல்லி அளவு) உருட்டி ஒரு தட்டில் வைக்கவும்.

அதன் பின் மேல் மாவிற்கு தேவையான மைதா மாவையும், அரிசி மாவையும் ஒரு பாத்திரத்தில் போட்டு சிறிதளவு தண்ணீர் ஊற்றி கட்டியிலாமல் கரைக்கவும்.

3 உருண்டைகளாக சேர்த்து முக்கோன வடிவில் எடுத்து கொள்ளவும்.

அதன் பின்னர் கரைத்து வைத்திருக்கும் மாவில் உருண்டைகளை தோய்த்து எடுக்கவும்.

வாணலியில் எண்ணெய் ஊற்றி சூடானதும் மாவில் தோய்த்து எடுத்த உருண்டைகளை போட்டு பொரித்து எடுக்கவும்.