ரவா இட்லி

வாணலியில் எண்ணெய் விட்டு காய்ந்ததும் கடுகு சேர்த்து பொரிய விடவும்.பின் சீரகம், கடலைப்பருப்பு பெரு. தூள், ப. மிளகாய்,இஞ்சி, கேரட் துருவல் மஞ்சள் தூள் சேர்த்து, மிதமான தீயில் 3 நிமிடங்கள் தாளிக்கவும். அதனுடன் ரவையை சேர்த்து மீண்டும் 2 அல்லது 3 நிமிடங்கள் நன்கு சூடேரும் வரை வறுககவும்.பிறகு வேறு தட்டில் மாற்றி ஆற விடவும்.

தயிரை அப்படியே கெட்டியாக கடைந்து கொள்ளவும். இதை ஆறிய ரவை கலவையுடன் கலந்து கொள்ளவும்.2 ஸ்பூன் தண்ணீர் சேர்த்து கலககவும்.15 நிமிடங்கள் ஊற வைக்கவும். மாவு கெட்டியாகி விடும். கொஞ்சமாக மீண்டும் தண்ணீர் சேர்த்து கலக்கவும். பிறகு அதனுடன் கருவேபபிலை கொத்தமல்லி தழையை பொடியாக நறுக்கி சேர்க்கவும். மீண்டும் கொஞ்சமாக தண்ணீர் சேர்த்து கலக்கவும்..உப்பு தேவையான அளவு சேர்க்கவும். கடைசியாக eno சேர்க்கவும். மாவை இட்லி ஊற்றும் பதத்திற்கு சிறிது கெட்டியாக கரைத்து கொள்ளவும்.

இட்லி தட்டில் நெய் தடவி முநதிரிபருப்பு ஒன்று ஒன்றாக குழிகளில் வைக்கவும்.பிறகு மாவை கரண்டியில் அள்ளி தட்டில் பாங்காக ஊற்றவும். இட்லி பானையில் தண்ணீர் ஊற்றி கொதித்தவுடன் இட்லி தட்டை வைத்து மூடி போட்டு மூடி வேக விடவும்.15 நிமிடம் கழித்து தட்டை எடுத்து இட்லியை கொஞ்சம் ஆற விட்டு ஸ்பூனில் நிதானமாக எடுக்கவும்.

பரிமாறும் தட்டில் வைத்து இஷ்ட பட்ட சட்னியுடன் சூடாக பரிமாறவும். இதற்கு தேங்காய் புளி சட்னி தகுந்த சட்னி ஆகும். சுவையான மிருதுவான ஆரோக்கியமான கலோரி குறைவான டிஃபன் தயார்.