முட்டைகோஸை நன்கு பொடிதாக நறுக்கி தண்ணீரில் அலசி தண்ணீர் வடிய வைத்து விடவும்.

வெங்காயத்தை பொடிதாக நறுக்கிக் கொள்ளவும் பச்சை மிளகாயை நீளவாக்கில் கீறி வைத்துக் கொள்ளவும். கடாயில் எண்ணெய் விட்டு காய்ந்ததும் கடுகு, உளுந்து தாளித்து பிறகு பச்சை மிளகாயை சேர்க்கவும்

பிறகு கறிவேப்பிலை, வெங்காயத்தை சேர்த்து மிதமான தீயில் வைத்து வதக்கவும்

பிறகு முட்டை கோசை சேர்த்து தேவையான அளவு உப்பு சேர்த்து ஒரு சேர கிளறி விடவும்

தண்ணீர் ஊற்ற தேவையில்லை. தட்டு போட்டு மூடி மிதமான தீயில் பத்து அல்லது பதினைந்து நிமிடங்கள் வைக்கவும்

இப்போது முட்டைகோஸ் நன்கு வெந்திருக்கும் வேகவைத்த துவரம் பருப்பு மற்றும் தேங்காய் பூவை சேர்த்து இறக்கவும்.