மசூர் முள்ளங்கி சாம்பார் (Mashoor mullanki dhal recipe in tamil)

முதலில் ஒரு கப் அளவிற்கு மசூர் பருப்பை எடுத்து கழுவிக் கொள்ளவும். ஒன்றரை டம்ளர் தண்ணீர் சேர்த்து கால் ஸ்பூன் மஞ்சள் தூள் சேர்த்து குக்கரில் ஐந்து சவுண்ட் விட்டு வேக வைத்துக் கொள்ளவும். எலுமிச்சை அளவு புளியை ஊற வைத்துக் கொள்ளவும். முள்ளங்கி படத்தில் காட்டியுள்ளபடி வட்டமாக அறிந்து கொள்ளவும். ரெண்டு மீடியம் சைஸ் வெங்காயம் அறிந்து வைத்துக் கொள்ளவும். ஒரு தக்காளியை நான்காக அரிந்து கொள்ளவும்

ஒரு வாணலியில் ஒரு ஸ்பூன் எண்ணெய் விட்டு முள்ளங்கியை முதலில் பச்சை வாசம் போகும் வரை வதக்கவும். பிறகு வெங்காயத்தை சேர்த்து ஒரு நிமிடம் வதக்கவும். அதன் பிறகு நான்காக வெட்டிய தக்காளியை சேர்த்து வதக்கவும். இதில் தேவையான அளவு உப்பு சேர்த்து மூன்று ஸ்பூன் சாம்பார் தூள் சேர்த்து கலந்து விட்டு வேகவைத்த மசூர் பருப்பை அதன் தண்ணீருடன் சேர்த்து காயை வேக விடவும்.

காய் நன்கு வெந்தவுடன் அரைத்த புளித்தண்ணீரை சேர்த்து கொதிக்கவிடவும்.

இப்போது கடுகு, உளுத்தம்பருப்பு,கறிவேப்பிலை, பெருங்காயத்தூள், 2 வரமிளகாய் தாளித்து குழம்பில் சேர்க்கவும் ஒரு ஸ்பூன் தேங்காய் துருவல் சேர்த்துக் கொள்ளவும். பொடியாக அரிந்த கொத்தமல்லி தழையை சேர்த்துக் கொள்ளவும்.நன்கு கொதிக்க விடவும். மைசூர் பருப்பு முள்ளங்கி சாம்பார் தயார்.