உருளைக்கிழங்கை வேகவைத்து தோல் நீக்கி மசித்துக் கொள்வோம். வாழைத்தண்டை சுத்தம் செய்துநார் நீக்கி, பொடியாக நறுக்கி மோரில் போட்டு வைத்துக் கொள்வோம்.

ஒரு பாத்திரத்தில் மசித்த உருளைக்கிழங்கு,வெட்டி வைத்த வாழைத்தண்டு,பொடியாக நறுக்கிய வெங்காயம்,மல்லி இலை,பச்சை மிளகாய்,கறிவேப்பிலை, மிளகாய்த்தூள்,மஞ்சள்தூள், கரம் மசாலாத்தூள், உப்பு அனைத்தையும் சேர்த்து பிசைந்து எடுத்து வைத்துக் கொள்வோம்.

ஒரு கிண்ணத்தில் சோள மாவு, கால் டம்ளர் தண்ணீர் ஊற்றி கட்டி இல்லாமல் கரைத்து எடுத்துக் கொள்வோம். வாழைத்தண்டு மசாலாவை உருண்டைகளாக உருட்டி தட்டி சோள மாவு கரைசலில் முக்கி எடுத்து, ரொட்டித் தூளில் புரட்டி எடுத்து, தவாவில் போட்டு,சாலோ ஃப்ரை செய்து எடுத்தால் வாழைத்தண்டு கட்லெட் தயார்.🤤🤤😋😋🥙🥙