மாம்பழம் ஐஸ் கிரீம்

ஒரு லிட்டர் பாலை தண்ணீர் கலக்காமல் அரை லிட்டராக வரும் வரை சுண்டக்காய்ச்சி கொள்ளவும். அதனுடன் எட்டில் இருந்து 10 டேபிள்ஸ்பூன் சர்க்கரை சேர்த்து கொள்ளவும். அதிலிருந்து 4 டேபிள் ஸ்பூன் பாலை எடுத்து அதனுடன் 1 டேபிள்ஸ்பூன் கார்ன்ஃப்ளார் சேர்த்து கட்டி இல்லாமல் நன்கு கரைத்துக் கொள்ளவும். அதன்பிறகு கொதித்துக் கொண்டிருக்கும் பாலுடன் கரைத்து வைத்துள்ள கார்ன்ஃப்ளார் கரைசலை சேர்த்து மிதமான தீயில் 10 நிமிடம் கலந்துவிட்ட பின் நன்றாக ஆறவிடவும்.

மாம்பழத்தை தோல் நீக்கி மிக்சி ஜாரில் போட்டு அதனுடன் நாம் ஆற வைத்து இருந்த பாலையும் ஊற்றி நன்றாக அரைத்துக் கொள்ளவும் அதன் பிறகு பாலாடை சேர்த்து அடித்துக் கொள்ளவும். பாலாடை சேர்த்தபின் நன்றாக அடிக்க தேவையில்லை. இப்போது அடித்து வைத்த கலவையை காற்றுப்புகாத ஒரு குடுவையில் ஊற்றி நான்கு மணி நேரம் குளிர்சாதனப் பெட்டியில் வைத்து பதப்படுத்தும். அதன் பிறகு எடுத்து மிக்ஸியில் மீண்டும் அடித்து மீண்டும் குளிர்சாதனப் பெட்டியில் வைத்து பதப்படுத்தி கொள்ளவும். இவ்வாறாக இரண்டு மூன்று முறை செய்து கொள்ளவும்.

இரண்டு மூன்று முறை அடித்து முடித்த பிறகு ஒரு பிளாஸ்டிக் கவர் அல்லது பிளாஸ்டிக் கவர் போன்ற ஏதாவது ஒரு கவரை ஐஸ்க்ரீம் மேலே வைத்து அதன் மேல் மூடியை போட்டு மூடி, முழுஇரவு குளிர்சாதன பெட்டியில் விட்டு விடவும், காலையில் ஜில்லென்ற குளுகுளு ஐஸ்கிரீம் நாம் சாப்பிட அருமையான சுவையில், கடையின் சுவைபோல தயாராகிவிடும். செய்து பார்த்துவிட்டு நன்றாக இருந்தால், ரசி ருசி அறுசுவை யூட்யூப் சேனலின் நேயர்கள் ஆக இணைந்து விடுங்கள்.