2 கப் மைதா மாவை சலித்து எடுத்து வைத்துக்கொண்டு அதில் 1 டேபிள் ஸ்பூன் சர்க்கரை சேர்த்து தேவையான அளவு உப்பு எண்ணெய் சேர்த்து வைக்கவும்.

சிறிது சிறிதாக தண்ணீர் ஊற்றி மாவை கெட்டியாக பிசைந்து வைக்கவும்.மேலே எண்ணெய் தடவி மூடி வைக்கவும். 2 மணி நேரம் கழித்து திறந்து பார்த்தால் மாவு மிகவும் மிருதுவாக இருக்கும்.

மாவை சிறு சிறு உருண்டைகளாக உருட்டி வைத்து எண்ணெய் தடவி வைத்து சப்பாத்தி தேய்க்கும் கல்லில் மெலிசாக தேய்த்து எண்ணெய் நடுவில் 1/2 டீஸ்பூன் தடவி அதை சுருட்டி வைக்கவும்.

இவ்வாறு மீதமுள்ள மைதாமாவு உருண்டை களையும் திரட்டி உருட்டி வைக்கவும்.சுருட்டி வைத்த மாவின் மேலே சிறிது எண்ணெய் விட்டு அதை சப்பாத்தி தேய்க்கும் கல்லில் தேய்க்கவும்.

தோசைக்கல்லில் பரோட்டா மாவை சேர்த்து இருபுறமும் சிறிது எண்ணெய் விட்டு பொன்னிறமாக சுட்டு எடுக்கவும். நான்கு பரோட்டாக்களை தோசைக்கல்லில் போட்டு எடுத்த உடன் அதை நம் இரண்டு கைகளால் நன்றாக தட்டி வைக்கவும்.இவ்வாறு தட்டினால் பரோட்டா லேயர் லேயராக வரும்.

சுவையான முட்டை சேர்க்காத சைவ பரோட்டா ரெடி.😋😋 பரோட்டாவிற்கு சால்னா செய்தேன். சுவையாக இருந்தது.