காலிஃப்ளவரை கொஞ்சம் பெரிய துண்டுகளாக நறுக்கிக் கொள்ளவும்.

ஒரு பாத்திரத்தில் காலிஃப்ளவர் முழ்கும் அளவிற்கு தண்ணீர் ஊற்றி அடுப்பில் வைத்து அதில் 1 டீஸ்பூன் மஞ்சள் தூள்,1 டீஸ்பூன் உப்பு சேர்த்து அந்த தண்ணீரில் காலிஃப்ளவரை போட்டு ஒரு நிமிடம் வேக வைத்து வடிகட்டியில் வடித்து எடுத்து ஆற‌ வைக்கவும்.

ஒரு பாத்திரத்தில் மைதா மாவு, சோளமாவு, பெப்பர் தூள், மிளகாய் தூள், நறுக்கிய மல்லி இலை சேர்த்து நன்றாக மிக்ஸ் பண்ணி வைக்கவும்.

ஆற வைத்த காலிஃப்ளவர் துண்டுகளை ஒவ்வொன்றாக எடுத்து இந்த மாவில் போட்டு நன்றாக புரட்டி எடுத்து வைத்துக் கொள்ளவும்.

மீதமிருக்கும் இந்த மாவுடன் ஒன்றரை டேபிள்ஸ்பூன் சோளமாவு,2 டேபிள் ஸ்பூன் மைதா மாவு,அரை கப் தயிர், இஞ்சி பூண்டு விழுது,கரம் மசாலா தூள், தேவைக்கு உப்பும் சேர்த்து சிறிது தண்ணீர் சேர்த்து இட்லி மாவு பதத்தில் கரைத்து வைத்துக் கொள்ளவும்.

மாவில் புரட்டி வைத்திருக்கும் காலிஃப்ளவர் துண்டுகளை ஒவ்வொன்றாக எடுத்து இந்த பேட்டரில் நன்றாக முக்கி எடுத்து பின்னர் இதனை ஓட்ஸில் நன்றாக புரட்டி எடுக்கவும்.

ஒரு பேன் அடுப்பில் வைத்து அதில் பொரிப்பதற்கு தேவையான அளவு எண்ணெய் ஊற்றி சூடானதும் அதில் ஓட்ஸில் புரட்டி வைத்திருக்கும் காலிஃப்ளவர் துண்டுகளை ஒவ்வொன்றாக போட்டு இருபுறமும் பொன்னிறமாக பொரித்து எடுக்கவும்.

நல்ல கிரிஸ்ப்பியான‌ காலிஃப்ளவர் ஃப்ரை ரெடி.

தக்காளி சாஸுடன் சூடாக பரிமாறவும்.