தேவையான காய்கறிகளை நன்றாக கழுவி பொடி பொடியாக நறுக்கிக் கொள்ளவும்.ஒரு கடாயில் நெய் விட்டு பட்டை,கிராம்பு,நட்சத்திர சோம்பு சேர்த்து வதக்கிக் கொள்ளவும்.

நறுக்கிய வெங்காயம்,பச்சை மிளகாய் சேர்த்து வதக்கி கொள்ளவும்.வெங்காயம் பொன்னிறமாக வதக்கிய பின்பு இஞ்சி,பூண்டு விழுது சேர்த்து வதக்கவும்

வெங்காயம் நன்றாக வதக்கிய பின்பு தக்காளி சேர்த்து சிறிதளவு உப்பு சேர்த்து வதக்கவும்,தக்காளி வதக்கிய பின் நறக்கிய காய்கறிகளை சேர்த்துக் கொள்ளவும்.

புதினா,கொத்தமல்லி இலை,கருவேப்பிலை சேர்த்து நனறாக வதக்கவும்.

பின்பு,மிளகாய் தூள்,மல்லித் தூள்,கரம் மசாலா காரத்திற்கு ஏற்ப சேர்க்கவும்.குழந்தைகள் காரம் சாப்பிடமாட்டார்கள்,எனவே குறைவாக சேர்க்கவும்.

சிறிதளவு மஞ்சள் தூள் சேர்த்து வதக்கி கொள்ளவும்.மசால் வாடை போகவும் கொஞ்சமாக தயிர் சேர்க்கவும்.

தேவையான அளவு தண்ணீர் ஊற்றி கொதிக்க விட வேண்டும்.

பாசுமதி அரிசியை நன்றாக கழுவி அரை மணி நேரம் ஊற வைக்கவும்.தண்ணீர் நன்றாக கொதித்த பின் அரிசியை சேர்க்கவும்.தேவைக்கு ஏற்ப உப்பு சேர்க்கவும்.கடைசியாக சிறிதளவு மீல் மேக்கரை சேர்த்துக் கொள்ளலாம்.

நன்றாக கிளறி 2 வீசில் போடவும்.அடுப்பை அணைத்து மூடியை திறந்து கிளறி விட்டு 10 நிமிடம் மூடி வைக்கவும்.

இப்படி வித்தியசாம கொடுத்து விட்டால் தான் கொஞ்சமாது சாப்பிடுவார்கள். இன்னொரு பாக்ஸில் ஸ்நாக்ஸ் கொடுத்து விடலாம்

சுவையான காய்கறிகள் சாதம் தயார்.