ஒரு கடாயில் எண்ணெய் ஊற்றி சூடானதும் கடுகு, கருவேப்பிலை சேர்த்து தாளிக்கவும். பின்னர் பொடியாக நறுக்கிய வெங்காயம் சேர்த்து நன்கு நிறம் மாறும் வரை வதக்கவும். பின்னர் பொடியாக நறுக்கிய தக்காளி மற்றும் தேவையான அளவு கல்லுப்பு சேர்த்து தக்காளி நன்கு மசியும் வரை வதக்கவும்.

பின்னர் இஞ்சி பூண்டு விழுது சேர்த்து பச்சை வாசனை போகும் வரை வதக்கவும். பின் மஞ்சள் தூள், மிளகாய் தூள், மல்லித்தூள் சேர்த்து நன்கு வதக்கவும். பின்னர் அதனுடன் 1/4டம்ளர் தண்ணீர் சேர்த்து கிளறி மூடி போட்டு 10நிமிடம் எண்ணெய் பிரிந்து வரும் வரை மிதமான தீயில் கொதிக்க விடவும்.

பின்னர் சுத்தம் செய்து வைத்துள்ள இறாலை தண்ணீர் இல்லாமல் சேர்த்து கிளறி மீண்டும் மூடி போட்டு 5நிமிடம் வேக விடவும். இறால் அதிக நேரம் வேக வைக்க கூடாது. பின்னர் மூடியை திறந்து பொடியாக நறுக்கிய கொத்த மல்லியை தூவி பரிமாறவும். சுவையான இறால் தொக்கு தயார்.