முட்டை பிரியாணி

ஒரு கடாயில் நெய் ஊற்றி சூடான பின் முந்திரி பருப்பு, உலர் திராட்சை சேர்த்து பொன்னிறம் ஆகும் வரை வதக்கவும்.

வதங்கிய முந்திரி பருப்பு, உலர் திராட்சையை வேறு பாத்திரத்தில் மாற்றி வைக்கவும்.

பின்பு ஒதே கடாயில் நறுக்கிய வெங்காயம் சேர்த்து நன்கு பொன்னிறம் ஆகும் வரை வதக்கவும்

அரிசியை நன்றாக தண்ணீரில் அலசிவிட்டு பின்பு 20 நிமிடம் தண்ணீரில் ஊற வைக்கவும்.

பின்பு ஒரு பாத்திரத்தில் தண்ணீர் ஊற்றி சிறிது கொதி வந்ததும் ஊற வைத்த அரிசி, பட்டை, கிராம்பு, ஏலக்காய், சிறிது உப்பு மற்றும் ஒரு ஸ்பூன் நெய் ஊற்றி அரிசியை வேக வைக்கவும்.

அரிசி முக்கால் பதத்திற்கு வெந்தவுடன் தண்ணீரை வடிகட்டவும்

மிக்ஸி ஜாரில் பூண்டுபற்கள், இஞ்சி சேர்த்து நன்கு அரைத்து எடுக்கவும்.

ஒரு பாத்திரத்தில் தயிர், மிளகாய் தூள், மல்லித்தூள், சீரக தூள், கரம் மசாலா தூள் மற்றும் வேகவைத்த முட்டை சேர்த்து நன்கு கிளறி 20 நிமிடம் ஊற வைக்கவும்.

ஒரு கடாயை அடுப்பில் வைத்து சூடான பின் நெய், எண்ணெய் ஊற்றவும்.

பின்பு பிரியாணி இலை, கருவேப்பில்லை வெங்காயம், பச்சை மிளகாய் சேர்த்து வதக்கவும்.

வெங்காயம் நன்கு வதங்கியதும் தக்காளி சேர்த்து வதக்கவும்.

பின்பு அரைத்து வைத்துள்ள இஞ்சி பூண்டு விழுது சேர்த்து கிளறி நன்கு வதக்கவும்.

இதனுடன் ஊற வைத்துள்ள முட்டை கலவையை சேர்த்து கிளறி 10 நிமிடம் மிதமான சூட்டில் பச்சை வாசனை போகும் வரை வதக்கவும்.

பின்பு கொத்த மல்லி இலை, புதினா இலை மற்றும் தேவையான அளவு உப்பு சேர்த்து கிளறவும்.

ஒரு கனமான பாத்திரத்தை அடுப்பில் வைத்து அதில் வேக வைத்த சோறு பாதி அளவிற்கு சேர்க்கவும்.

அதன் பின் வதக்கிய முட்டை கலவையை சேர்க்கவும். அதன் மேல் மீதமுள்ள நெய் மற்றும் சாதத்தை சேர்க்கவும்.

இதன் மேல் பொன்னிறம் ஆன முந்திரி பருப்பு, உலர் திராட்சை மற்றும் வெங்காயத்தை தூவி விடவும்.

பின்பு அடுப்பை சிம்மில் வைத்து சிறிது நேரம் பிரியாணியை தம்மில் வைக்கவும்.

தம்மில் பிரியாணி தயார் ஆனதும் அடுப்பில் இருந்து இறக்கி வைக்கவும்

சுவையான முட்டை பிரியாணியை தயிர் பச்சடி மற்றும் கத்தரிக்காய் தொக்குடன் பரிமாறலாம்.