கோதுமை மாவு பரோட்டா

ஒரு பேசினில் மாவு உப்பு கலந்து கொஞ்சம் கொஞ்சமாக தண்ணீர் ஊற்றி சப்பாத்தி மாவு பதத்திற்கு பிசையவும். அரை மணி நேரம் மூடி வைக்கவும்.

இப்பொழுது அதை பெரிய உருண்டைகளாக உருட்டி மெலிசாக தேய்த்து அதன் மேல் நெய் தடவி மடிப்பு மடிப்பாக மடித்து உருட்டி வைத்துக் கொள்ளவும்.

அந்த உருண்டைகளை எடுத்து லேசாக மாவு போட்டு பிரட்டி கையால் லேசாக தட்டலாம் அல்லது கத்திக்கொண்டு கோடு கோடாக போட்டு மடித்து அதை உருட்டி சப்பாத்தி குழவி கொண்டும் இடலாம்.

இப்பொழுது பரோட்டாவை சப்பாத்தி கல்லில் போட்டு இரண்டு பக்கமும் எண்ணெய் ஊற்றி சுட்டு எடுக்கலாம்.

சூடாக அதை எடுத்து நன்கு இரண்டு கைகளால் அழுத்திவிட்டால் பரோட்டா பதத்திற்கு வரும்.