வாழைப்பூ முருங்கைக் கீரை பொரியல்

வாழைப்பூவை பொடிப் பொடியாக நறுக்கி தண்ணீரில் போட்டுக் கொள்ளவும்.முருங்கைக்கீரையை சுத்தம் செய்து எடுத்துக் கொள்ளவும்

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் கடுகு, உளுந்தம்பருப்பு போட்டு தாளிக்கவும். பிறகு கருவேப்பிலை, பச்சை மிளகாயை போட்டு வதக்கவும்.

பிறகு பொடியாக நறுக்கிய வெங்காயத்தைப் போட்டு வதக்கவும்.பிறகு பொடியாக நறுக்கிய வாழைப்பூவை தண்ணீரை வடித்துவிட்டு அதில் போடவும். பிறகு முருங்கைக்கீரையை அதில் போடவும்.

எல்லாவற்றையும் ஒரு நிமிடம் வதக்கவும். பிறகு தேவையான அளவு உப்பு போட்டு ஒரு டம்ளர் தண்ணீர் ஊற்றி கால் ஸ்பூன் மஞ்சள் தூள் போட்டு வேகவிடவும்.

வாழைப்பூ நன்கு வெந்து தண்ணீர் வற்றிய உடன் தேங்காய்த் துருவலைப் போட்டு ஒரு நிமிடம் வதக்கி பிறகு பரிமாறவும். சுவையான வாழைப்பூ முருங்கைக்கீரை பொரியல் தயார்