முட்டை பிரியாணி

முதலில் பாசுமதி அரிசியை அலசி ஊற வைக்கவும். முட்டையை வேக வைத்து எடுக்கவும். மிக்ஸியில் பட்டை 1 கிராம்பு 1 இஞ்சி பூண்டு பச்சை மிளகாய் 2 சின்ன வெங்காயம் 6 சிறிதளவு கொத்தமல்லி புதினா சேர்த்து நன்றாக அரைத்து எடுக்கவும்.

கடாயில் எண்ணெய் ஊற்றி அதில் மஞ்சள் தூள் மிளகாய்த்தூள் உப்பு சேர்த்து வதக்கி வேகவைத்த முட்டையை தோலுரித்து போட்டு வறுக்கவும்.

குக்கரில் எண்ணெய் மற்றும் நெய் ஊற்றி பிருந்தி இலை பட்டை கிராம்பு சோம்பு அண்ணாச்சி பூ போட்டு தாளித்து வெங்காயம் போட்டு வதக்கி நன்கு வதங்கியதும் தக்காளி சேர்க்கவும்.

வதங்கியதும் இஞ்சி பூண்டு விழுது மஞ்சள்தூள் மிளகாய்த்தூள் உப்பு சேர்த்து வதக்கவும்.

பின்னர் அரைத்த விழுதை சேர்த்து வதக்கி தண்ணீர் ஊற்றி கொதிக்கவிடவும்.பின்னர் அரிசியை சேர்க்கவும்.

பின்னர் கொத்தமல்லி புதினா சேர்த்து அதில் வறுத்த முட்டையை சேர்த்து குக்கர் மூடி போட்டு 2 விசில் விட்டு வேக விடவும்.

விசில் வந்து பிரஸர் அடங்கியதும் குக்கரை திறந்து பிரியாணியை லேசாக கிளறி விடவும்.