பீட்ரூட்டை தோல் சீவி சிறிய துண்டுகளாக நறுக்கி மிக்ஸி ஜாரில் சேர்க்கவும்.

அத்துடன் இரண்டு டேபிள் ஸ்பூன் தண்ணீர் சேர்த்து விழுதாக அரைக்கவும்.

அரைத்த விழுதை ஒரு காஃபி வடிப்பானில் சேர்த்து பீட்ரூட் சாரை வடித்து எடுத்துக் கொள்ளவும்.

கடலை மாவை வறுத்து சலித்து வைக்கவும். அத்துடன் முக்கால் கப் நெய் சேர்த்து நன்கு கலந்து தயாராக வைக்கவும்.

ஒரு நான்ஸ்டிக் பாத்திரத்தில் சர்க்கரை சேர்த்து அத்துடன் தயாராக வைத்துள்ள பீட்ரூட் சாரை சேர்க்கவும்.

பின்னர் ஸ்டவ்வில் வைத்து சர்க்கரை கரையும் வரை கலக்கவும்.

சர்க்கரை கரைந்து நுரை வரும்போது, நெய்யில் கலந்து வைத்துள்ள கடலை மாவை சேர்க்கவும். பின்னர் மிதமான சூட்டில் வைத்து கை விடாது கலந்து கொண்டே இருக்கவும்.

அவ்வப்போது கொஞ்சம் கொஞ்சமாக நெய் சேர்த்து கலக்கவும். நன்கு பொங்கி வரும் போது ஸ்டவ் ஆஃப் செய்து விட்டு கொஞ்சம் நெய் சேர்க்கவும். நெய் முழுவதும் மைசூர் பாக் உருஞ்சிவிடும்.

இந்த இனிமையான பீட்ரூட் மைசூர் பாக் உங்கள் அனைவருக்கும்☺️😍