தேவையான பொருட்களை எடுத்து வைத்துக் கொள்ளவும்.

பிறகு மிக்ஸி ஜாரில், தண்ணீரை வடித்த க.பருப்பு, சி.மிளகாய், உப்பு சேர்த்து கொரகொரப்பாக அரைத்துக் கொள்ளவும்.

அடுப்பை மிதமான தீயில் வைத்து, தவாவில் எண்ணெய் விட்டு சூடானதும், அரைத்ததை தட்டி, வேக விடவும்.

இரண்டு பக்கமும் வேக விட்டதும், அடுப்பை அணைத்து விட்டு, வெந்ததை பௌலில் எடுக்கவும்.

மிக்ஸி ஜாரில், இஞ்சி, பூண்டு, சோம்பு, கறிவேப்பிலையை அரைக்கவும்.

அடுப்பை மிதமான தீயில் வைத்து, கடாயில் எண்ணெய் விட்டு சூடானதும், பட்டை, கிராம்பு, ஏலக்காய், பிரிஞ்சி இலை, சோம்பு, அரைத்த விழுதை சேர்த்து நன்கு வதக்கவும்.

வதக்கினதும், வெங்காயம், ப.மிளகாய், ம.தூள், தனியா தூள், மிளகாய் தூள், உப்பு சேர்த்து நன்கு வதக்கினதும், தக்காளி, சோம்பு தூள், சீரகத் தூள், கரம் மசாலா தூள் சேர்த்து வதக்கவும்.

அடுத்து கொத்தமல்லி தழை, புதினா தழையை சேர்த்ததும், தண்ணீர் விட்டு நன்கு கொதிக்கவிடவும்.

நன்கு கொதித்ததும், வேக வைத்த பருப்பை சிறிய துண்டுகளாக்கி போட்டு, 2 நிமிடம் வெந்ததும், அடுப்பை நிறுத்தி விடவும்.

குறிப்பு:- இந்த கிரேவியை கண்டிப்பாக செய்து பார்க்கவும்.