બટાકાની છાલ ઉતારી ને એક સરખા ટુકડા કરી લેવા. પછી ચોખ્ખા પાણીથી ત્રણ વખત ધોઈ લેવા. ઉના વાસણમાં પાણી ગરમ કરી લેવું એની અંદર બટાકાના ટુકડા આદુ-લસણની પેસ્ટ અને મીઠું ઉમેરી બટાકાને ૩૦ ટકા જેટલા બાફી લેવા. પાણી નિતારી લેવું.

બીજી બાજુ એક મિક્સિંગ બાઉલમાં કોૅનફ્લોર,ચોખાનો લોટ, લાલ મરચું પાઉડર મરી પાઉડર અને મીઠું ઉમેરી બરાબર મિક્સ કરો. હવે એમાં બાફેલા બટાકા ઉમેરી હળવા હાથે મિક્સ કરો.

તળવા માટે તેલ ગરમ કરવા મૂકવું અને એમાં બટાકા ઉમેરીને ગોલ્ડન બ્રાઉન થાય ત્યાં સુધી તળી લેવા.

એક મિક્સિંગ બાઉલમાં સોયા સોસ,ગ્રીન ચીલી સોસ,રેડ ચીલી સોસ,ટોમેટો કેચઅપ,શેઝવાન‌ સોસ,વિનેગર,અને મરી પાઉડર મિક્સ કરો.

એક પેણીમાં તેલ ગરમ કરી એમાં લસણ ઉમેરી 30 સેકન્ડ માટે સાંતળો, હવે આદું ઉમેરી 30 સેકન્ડ માટે થવા દો. હવે ઝીણા સમારેલા કાંદા અને મીઠું ઉમેરી બે મિનિટ થવા દેવું. હવે કાંદા ના ટુકડા ઉમેરી 1 મિનીટ થવા દેવું પછી કેપ્સીકમ ઉમેરી ફરી એક મિનિટ થવા દેવું.

હવે એની અંદર મિક્સ કરેલા સોસ ઉમેરી બરાબર સાંતળી લો. હવે કોૅનફ્લોર સ્લરી અને 1/2 કપ પાણી ઉમેરીને એક વડકો આવે ત્યાં સુધી થવા દેવું. હવે તળેલા બટાકા ઉમેરી ને મિક્સ કરી બે મિનિટ થવા દેવું. ગરમાગરમ પીરસવું.