સૌથી પહેલા મોગર દાળ ને 2-3 વાર પાણીથી સારી રીતે ધોઇને 2 કલાક માટે પલાળી લેવી.

ડુંગળી,લીલા મરચાં,આદું અને લસણને ટુકડા માં સમારી લેવા. દાળમાંથી પાણી કાઢી મિક્સર જારમાં લેવી. તેમાં સમારેલા ડુંગળી,મરચા, લસણ, આદું નાખી થોડું મીઠું નાખી સ્મૂધ ઝીણું પેસ્ટ જેવું પીસી લેવું.આ રીતે બધી દાળ વાટીને ખીરું બનાવવું. જો લીલા મરચાં મોળા હોય તો 1 ટીસ્પૂન જેટલું લાલ મરચું પણ ઉમેરવું.

સ્ટફીંગ માટે,એક બાઉલમાં પનીર, ડુંગળી, કેપ્સીકમ અને ટામેટાને એકદમ બારીક સમારી લેવા. તેમાં સ્ટફીંગના ઉપર જણાવેલા બધા મસાલા ઉમેરી બરાબર મિક્સ કરી 10-15 મિનિટ માટે મેરીનેટ થવા રાખવું.

હવે ખીરું અને પનીરનું સ્ટફીંગ તૈયાર છે. તો એક નોનસ્ટીક પેનને ગરમ મૂકવું. થોડું તેલ લગાવી ખીરું પાથરી પાતળો ચીલો ઉતારવો. પડ ચડે તે પહેલા જ તેના પર સ્ટફીંગ પાથરવું. ઊલ્ટાવીને બન્ને બાજુ સરખું તેલ મૂકી શેકી લેવું.

આ જ રીતે મોટા નોનસ્ટીક પેનમાં ઢોંસા ની જેમ પાતળો ચીલો ઉતારી, બન્ને બાજુ ચઢવી, વચ્ચે સ્ટફીંગ પાથરી રોલ કરી શકાય.

બધા ચીલા આ રીતે બનાવી લેવા. ગરમ જ લીલી ચટણી, કેચઅપ, ચા સાથે સર્વ કરવા.