कढईत तेल गरम करून त्यात जिरं घालणे. जिर तडतडले कि त्यात चिरलेला कांदा घालणे. कांदा लालसर झाल्यावर त्यात टोमॅटो घालून परतणे.

टोमॅटो नरम झाल्यावर त्यात आलं-लसूण पेस्ट घालणे. नंतर त्यात कस्तुरी मेथी, लाल तिखट, गरम मसाला, धणेपूड, जिरेपूड, आमचुर पावडर, चिमूटभर हिंग घालून एकत्र करणे.

नंतर त्यात किसलेले पनीर, मीठ घालून एकत्र करणे. खणि वरून चिरलेली कोथिंबीर घालणे. आणि मिश्रण थंड करत बाजूला ठेवणे.

एका ताटात गव्हाचे पीठ, चवीनुसार मीठ व ओवा एकत्र करुन गरजेनुसार पाणी घालून पीठ घट्ट मळून घेणे. त्याला तेलाचा हखत लावून ठेवणे.

पिठाचे गोळे करणे। एक गोळा पिठात घोळून लाटून घेणे. आणि त्यावर तयार पनीरचे मिश्रण पसरवणे.

नंतर एक-एक पट्टी कापणे. (कडेला कापू नये मधल्या भागातच कापणे.)

कापलेल्या पट्टा एकावर एक ठेवून गोल गुंडाळणे. आणि त्याचा पराठा लाटणे.

आणि दोन्ही बाजूने खरपूस भाजून घेणे.