Idan da nama za a yi ko tantakwashi, sai a wanke a yanka albasa, a sa gishiri da sinadarin dandano a tafasa.

Bayan tafasa nama, sai a tsaida ruwa daidai gwargwado, a sa markadadden tattasai, tarugu, da albasa. Sai a sa sinadarin dandano, da gishiri, sai a rufe a bar Shi ya tafasa.

Idan ruwan ya tafasa sai a wanke tsaki a rege, sai a zuba tsakin a ciki a juya. Sai a farfasa gyada a bakace, a zuba cikin tsakin, a na juyawa lokaci zuwa lokaci dan Kar ya dunkule wuri daya a kasa.

Idan tsakin ya dahu, sai a zuba manja, a juya, sannan sai a wanke rama, a yanka ta da dan girma, sai a zuba a cikin dahuwan, a barshi yayi minti 5 zuwa 10 saboda rama na da dan tauri ba kaman alayyahu ba. Sai a sauke a zuba a paranti. A na iya sa kakidi ko man shanu yayin sha.