सर्वप्रथम, किसलेला दुधी पाण्यात भिजवून घट्ट पिळून घ्या. एका पातेलीत हा कीस एक टेबलस्पून पाणी घालून, झाकून शिजवून घ्या.

३-४ मिनीटांनी झाकण काढून, मध्यम आचेवर दुधीला सुटलेले पाणी आटवून घ्या. बाजूला ठेवून थंड होऊ द्या.

तीळ कोरडेच भाजून, मिक्सर वर खरखरीत वाटून घ्या.

एका वाडग्यात तीळ, वरील पीठं, रवा, शिजवलेला दुधीचा कीस, व पाणी व तूप सोडून इतर सर्व साहित्य एकत्र करा.

त्यात गरजेनुसार पाणी घालून ढवळून घ्या. गुठळ्या होऊ देऊ नका. डोशाच्या पीठासारखं सरसरीत पीठ भिजवून घ्या.

आता एका कढईत तेलाची फोडणी करुन त्यात राई घाला. राई तडतडली की चिरलेली कडीपत्त्याची पाने. ही फोडणी तयार पिठावर ओता व एकजीव करून घ्या. १/२ तास पीठ बाजूला ठेवा

धिरडे बनवण्याकरिता एक बीडाचा तवा तापवत ठेवा. त्यावर तेल पसरवून घ्या व साधारण १/२ कप पीठ ओता. पळीने ते गोलाकार पसरवून घ्या. धिरडे मध्यम जाडीचे ठेवा.

वरुन व कडेनी तूप सोडा व झाकण लावून बारिक आचेवर वाफवून घ्या.

थोड्या वेळानी झाकण काढून, धिरडे उल्टवून घ्या व माध्यम आचेवर भाजून घ्या. कडा हलक्या दाबून भाजून घ्या. खालील बाजू भाजली गेली की धिरडे थाळीत काढून घ्या.

हे पौष्टिक व चविष्ट दुधीचे धिरडे कोथिंबीर पुदिना चटणी सोबत नाश्त्याला वाढा. सोबत गरमागरम मसाला चहा नक्की द्या!!!