ભીંડા નું શાક બનાવવા માટે સૌપ્રથમ ભીંડાને ધોઈને સમારી લો. ત્યારબાદ એક કડાઈમાં તેલ મૂકો તેમા રાઈ,જીરુ,અને હિંગનો વઘાર કરીને ભીંડા નું શાક વઘારો.

ત્યારબાદ તેની અંદર સુધારેલું ટમેટૂ, મીઠું, મરચું, હળદર બધું જ નાખી દો અને હલાવો.

હલાવ્યા બાદ ઢાંકીને તેને એમજ પંદરેક મિનીટ રહેવા દો. ત્યારબાદ ફરી હલાવી ને ચેક કરો ભીંડા અને બટેટા ચડી ગયા હશે. આપણું ભીંડાનું ટેસ્ટી શાક તૈયાર...

ભાત બનાવવા માટે એક તપેલીમાં ચોખા અને બે વખત ધોઈને એમાં બે થી ત્રણ ગ્લાસ પાણી નાખી દો. ત્યારબાદ ગેસ પર મૂકી ચોખાને ચડવા દો. દસ મિનિટ બાદ આપણો ભાત તૈયાર.

મગની છડીદાર ને બે પાણીથી ધોઈ નાખો. ત્યારબાદ કુકરમા તેલ મૂકી રાઈ, જીરુ અને હિંગનો વઘાર કરો. ત્યારબાદ દાળમાં વઘાર કરી દો. તેની અંદર મીઠું,મરચું,હળદર નાખો.

ત્યારબાદ તેની અંદર આદુ-મરચાં ક્રશ કરેલા, ટમેટા ઝીણા સમારેલા અને જરૂરિયાત મુજબ પાણી નાખી 3 સીટી થવા દો. ત્યારબાદ થોડીવાર પછી કુકર ખોલી,ઉપરથી લીંબુનો રસ નાખી હલાવીને સર્વિંગ બાઉલમાં કાઢી લો..

ઘઉંનો ઝીણો લોટ લઈ તેને પાણી વડે બાંધી લો. થોડી વાર એમ જ રહેવા દો પછી તેલથી કુણવી લો. ગેસ પર તવી મૂકી રોટલીના લોટમાંથી લૂઓ લઈ રોટલી વણો અને તવી પર શેકો. તૈયાર છે ગરમા ગરમ રોટલી.

શિખંડ બનાવવા માટે દહીંને કોટનના કપડામાં કાઢીને બધું જ પાણી નિતારી લો. પાંચ કલાક પછી બધું જ પાણી નીતરી જાય એટલે તેની અંદર દળેલી ખાંડ નાખી એકદમ હલાવો. ત્યારબાદ તેની અંદર મનપસંદ એસન્સ સૂકોમેવો બધું જ નાખીને ફરી હલાવો. બે કલાક માટે ફ્રીઝરમાં રાખો. જમવા ટાઈમે ઠંડુ ઠંડુ શિખંડ પીરસો.