Ga kayan bukata,da farko zaki samu babban bowl ki zuba filawa,sugar,yeast,baking powder,gishiri da mai ki juya.

Sai ki dakko ruwan duminki ki zuba ki kwaba shi sosai kaurinsa yayi kamar kwabin fanke ki buga shi sosai,ki rufe kisa a gurin dumi ya tashi.

Bayan ya tashi👇sai ki dakko containers din da zaki zuba da babban cokali ki shafa musu mai gaba daya (ni nayi amfani da wadan nan containers din idan baki da su zaki iya amfani da wasu ko ki zuba a leda amma ki tabbatar anshafa mai a duk abinda za a zuba kullin saboda kar ya kama).

Sai kisa cokalin kina debo kullin kina zubawa a container har ki gama,idan kuma zakiyi mai colour ne sai ki samu wani bowl din daban ki debi kullin,ki zuba food colour dinki a ciki ki juya shi har ya hade,colour din ya fito sai ki zuba shi a container (ni nayi amfani da food colour na gari idan baki da na gari zaki iya sa na ruwa ki sa shi dan kadan aciki ki kwaba).

Sai ki rufe containers din,ki dakko tukunya ki zuba ruwa ba da yawa ba kisa murfi a kasan sai ki jera containers din a ciki ki rufe,ki dura a wuta ya dahu amma kar ki cika wuta kisa daidai,in ya dahu saiki sauke(idan kina da steamer ma zaki iya amfani da ita wajen dafawa).☺

An gamaaaaaa..... 😋yayi taushi sosai da sosai ga kuma dadi da auki😂😍nagode.💕