ચણાને ધોઈ પાંચ કલાક માટે પલાળી રાખ્યા હતા. ત્યારબાદ તેને કૂકરમાં બાફી લેવા. બાફવામાં મીઠું, લવિંગ, તજ, તમાલપત્ર તથા ચાની પોટલી મૂકવી. ત્રણ સીટી વગાડી લેવી.બફાઈ જાય પછી તેમાંથી તજ, લવિંગ, તમાલપત્ર, ચા પત્તીની પોટલી કાઢી લેવા.

છોલે માટે ના મસાલા ની તમામ તૈયારી કરી લેવી. ટામેટાં તથા ડુંગળીની પ્યુરી બનાવી લેવી. ધાણા, મરચાં ઝીણા સમારી લેવા. આદુને છીણી લેવું. હવે એક પાનમાં તેલ મૂકી તેમાં જીરું, તમાલપત્ર, હિંગ આખું લાલ મરચું, લીલા મરચાંના ટુકડા નાખી એક મિનિટ માટે શેકી તેમાં ડુંગળીની પ્યુરી નાખવી. અને બરાબર ધીમા ગેસે શેકી લો.

હવે ડુંગળી બરાબર શેકાઈ જાય એટલે તેમાં ટામેટાંની પ્યુરી નાખી બરાબર મિક્સ કરી હલાવતા રહેવું.હવે તેમાં મીઠું, હળદર, મરચાં પાઉડર, છોલે મસાલા, આમચૂર પાઉડર,આદુ ની પેસ્ટ,ઘી એડ કરી બધું શેકી લેવું.સરસ સોડમ આવશે મીઠું માપસર નાખવું કારણકે બાફવા માં મીઠું નાખેલ છે.તેલ છુટ્ટું પડે એટલે તેમાં બાફેલા છોલે ચણા નાખી, હલાવી લેવું.૨ મિનિટ માટે ઢાંકીને મૂકી રાખો.હવે ધાણા એડ કરી મીક્સ કરો.સરસ ગ્રેવી તૈયાર થઈ જશે.ગેસ બંધ કરી દેવો.

ઘઉંના લોટમાં મીઠું તેલ‌ નાખી કઠણ લોટ બાંધવો.મેં બે જાતના લોટ બાંધ્યા છે.એક લોટ માં મીઠું તેલ ઉપરાંત હળદર એડ કરી છે.

હવે મીડિયમ સાઇઝના લુવા લઈને તેની પૂરી વણવી.મનપસંદ આકાર આપી શકાય.ચટપટે છોલે, પૂરી, છાસ, ડુંગળી એટલે બેસ્ટ ઈન ટેસ્ટ.!!!