पिठामध्ये मीठ, बेकिंग सोडा आणि तेल टाकुन चांगले मिक्स करा, मग दही टाकून कणीक मळून घ्या, तयार कणिक दहा मिनिटे झाकून ठेवा.

आता आपण रेड सॉस बनवूयात, सर्वप्रथम एका भांड्यात तेल तापवून त्यात आलं लसणाची पेस्ट टाकून चांगले परतून घ्या, त्यात कांदा टाकून परतून घ्या.

कांदा परतून झाल्यावर त्यात टोमॅटो टाका आणि पाच मिनिटे शिजवा,आता त्यात लाल तिखट टोमॅटो केचप आणि मीठ टाका

ओवा घालून टोमॅटो पूर्णपणे शिजवून घ्या. शिजवून झाल्यावर ब्लेंडर च्या साह्याने प्युरी करून घ्या.आपला रेड पिझ्झा सॉस तयार आहे.

आता आपण व्हाईट सॉस बनवूयात,पॅनमध्ये तूप गरम करून घ्या, त्यात मैदा टाकून ढवळत चांगला परतून घ्या,

मैदा परतल्यानंतर त्यात दूध टाकून चांगले मिक्स करा जेणेकरून त्यात गाठी तयार होणार नाही (जरी गाठी तयार झाल्या तरी हरकत नाही हे मिश्रण एका गाळणीने चांगले गाळून घ्या म्हणजे त्या गाठी निघून जातील). मिक्स केल्यानंतर हे मिश्रण पाच ते सात मिनिटे शिजवून घ्या. आता त्यात किसलेले चीज आणि मीठ टाकून दोन मिनिटे शिजवा. आपल्या आवडीनुसार तुम्ही त्यात दूध ऍड करू शकता.आपला व्हाइट सॉस तयार आहे.

आता तयार कणकेचे तीन गोडे बनवा आणि लाटून घ्या, त्याला काट्याच्या साह्याने होल करा, एका कढईत तळाला मीठ टाकून त्यात स्टॅंडवर एक प्लेट ठेवून ते फ्री-हीट करून घ्या, त्यावर तयार पिझ्झा बेस ठेवून झाकून दहा ते बारा मिनिटे मध्यम आचेवर बेक करून घ्या.

तयार पिझ्झा बेसला तेल किंवा तूप लावून आपल्या आवडीनुसार दोन्ही सॉस आणि टॉपिंग लावा वरतुन किसलेले चीज ॲड करा आणि बेस बेक केल्याप्रमाणे बारा ते पंधरा मिनिटे बेक करून घ्या. आणि गरम गरम सर्व करा.