મેં આજે ઘીમાંથી માવો કાઢ્યો જે આશરે 100 ગ્રામ જેટલો છે અને અને મલાઈ ના દૂધમાંથી પનીર કાઢ્યું તે પણ આશરે 100 ગ્રામ છે.

પનીરને મસળી ને માવા સાથે મિક્સ કરવું.અને એક વાટકીમાં થોડું દૂધ લેવું.અને તેમાં કેસર વાટીને નાખવુ.અને દૂધ ગરમ કરવું.જેનાથી કેસર નો કલર બનાવે આવે.

ગેસ ઉપર એક પેન મૂકવું. ગેસ સ્લો મીડીયમ રાખવો. અને બધું દૂધ પેન મા નાખવું અને સ્લો ગેસે દૂધ ગરમ થાય,એટલે તેમાં પનીર અને માવો જે મિક્સ કર્યો છે, તે નાખવો અને બરાબર હલાવવુ. પછી તેમાં બધી સાકર નાખવી.વધારે કે ઓછી નાખી શકાય.અને બધું બરાબર મિક્સ કરવું.

પેન માં રહેલી દરેક વસ્તુ છે તેને સતત હલાવતા રહેવું. ૭ થી ૧૦ મિનિટના ઘટ્ટ થવા લાગશે અને પેનને છોડવા લાગશે એટલે પેનને ચોંટશે નહીં એટલે તૈયાર થઈ ગયું છે

હવે આ તૈયાર થયેલું પેંડાનું પુરાણ એક પ્લેટમાં કાઢવું.અને થોડું ઠંડુ થાય પછી તેને મસળીને તેના પેંડા પોતાની પસંદગી મુજબ વાળવા.

હવે આ કેસરી પેંડા સર્વિંગ પ્લેટમાં કાઢી સર્વ કરો. ટેસ્ટી અને લાજવાબ પેંડા તૈયાર છે.