લીલાં મરચાં, લસણ અને આદુ ને ક્રશ કરી લો

બટાકા ને બાફી લો. અને તેની છાલ કાઢી નાખો અને છુંદો કરો.

બટાકા ના છુંદા માં આદુ લસણ ની પેસ્ટ ઉમેરો.

હવે તેમાં સ્વાદ પ્રમાણે મીઠું, મરચુ, હળદર, ગરમ મસાલો, ધાણાજીરું અને કોથમીર ઉમેરી બરાબર મિક્સ કરી લો.

એક વઘારની માં એક ચમચી તેલ ગરમ કરો. તેલ ગરમ થાય એટલે તેમાં રાઈ નાખો. રાઈ ફૂટે એટલે તેમાં હિંગ અને અડદ ની દાળ નાખી હલાવો. પછી મીઠો લીમડો નાખી એ વઘાર બટાકાના મિશ્રણમાં નાખી બરાબર મિક્સ કરી લો.

મિક્સ કરેલા મિશ્રણ ના એક સરખા ગોળા બનાવી દો.

ચણાના લોટમાં મીઠું ઉમેરો. અને ધીમે ધીમે પાણી ઉમેરી ને પેસ્ટ બનાવો.

એક વાસણ માં તેલ ગરમ કરો. તેલ ગરમ થાય એટલે તૈયાર કરવામાં આવેલા ગોળા ને ચણાના લોટમાં બોળી ને તેલ માં તળી લો. ગેસ ધીમો રાખવો. બરાબર બન્ને બાજુ તળી લો.