सुरूवातीला एका भांड्यात पिठीसाखर आणि तूप घेऊन एकत्र चांगले फेटून घ्यावे. जेणेकरून साखर तुपात विरघळेल आणि क्रिम टेक्चर दिसेल. पाच ते सात मिनिटं हे फेटावे लागेल.

आता या मिश्रणात कणिक, मैदा, रवा चाळून टाकावा. बेकिंग पावडर टाकावे आणि आता हे मिश्रण मळून घ्यावे.हलक्या हाताने. त्याचा गोळा तयार करून पाच मिनिट बाजूला ठेवावे.

एका बाजूला गॅस वर कुकर ठेवून झाकणाची रिंग आणि शिट्टी काढून व स्टील चे स्टॅन्ड ठेवून पाच मिनिट गरम करावे. तोपर्यंत आपले नानखटाई चे मिश्रण नानकटाई करण्यासाठी तयार झालेले आहे. आता त्याचे पेढ्याच्या आकाराची चपटे गोळे तयार करून घ्यावे. फोटो त दाखवल्याप्रमाणे त्याची जाडी असावी. हे करतना त्यात भेगा पडणार नाही याची काळजी घ्यावी. अशाप्रकारे एका ताटात किंवा भांड्यात तयार केलेल्या नानकटाई ठेवाव्या.

या तयार केलेल्या नानकटाई वर काजू बदाम यांचे तुकडे डेकोरेशन साठी लावावे व प्री-हीट केलेल्या कुकरमध्ये ठेवावे. दहा ते पंधरा मिनिटे कमी ते मध्यम आचेवर नानखटाई बेक करून घ्यावी. कुकर बंद करून नानकटाई चे भांडे बाहेर काढून थंड करावे व नंतरच नानकटाई त्यातून काढावी.

अशाप्रकारे खुसखुशीत नानखटाई तयार झालेली आहे. मी कुकर सोबतच ओव्हन मध्ये हि नानकटाई तयार केलेली आहे. दोन्ही मध्ये नानकटाई खुसखुशीत तयार झालेली आहे.