सर्वप्रथम वर दिल्याप्रमाणे सर्व साहित्य काढून घेणे. गॅस वर एक पॅन गरम करून त्यात थोडे पाणी घालावे पाणी गरम झाल्यावर त्यात चिरलेला कांदा,दालचिनी,लवंग,काळेमिरे,सात ते आठ काजू,मगज बीया,जिरे,हिरवी मिरची, लसूण,अद्रक, दोन ते तीन हिरवी इलायची घालून पाणी कमी होईपर्यंत शिजवून घ्यावे. हे मिश्रण थंड झाल्यावर मिक्सरला याची पेस्ट बनवून घ्यावी.

नंतर एका पॅनमध्ये एक चमचा साजूक तूप घेऊन त्यात मखाने व काजू मंद आचेवर बदामी रंग येईपर्यंत परतून घ्यावे.

आता एका कढई मध्ये दोन चमचे तेल व दोन चमचे बटर घेऊन त्यात तमालपत्र व 1-2 हिरवी इलायची घालावी तयार केलेली पेस्ट घालून परतून घ्यावे. दोन ते तीन मिनिटे पेस्ट शिजल्यावर त्यात एक वाटी दूध व एक वाटी पाणी घालावे आणि पुन्हा एक ते दोन मिनिट शिजवून घ्यावे. आता ह्या मिश्रणामध्ये एक वाटी मावा किंवा खवा घालावा व चांगले परतून घ्यावे. यानंतर परतून घेतलेले मखाने व काजू मिक्स करावे.

आता तयार आहे आपली खोया काजू मखाना व्हाइट ग्रेव्ही. ही ग्रेव्ही नान,गार्लिक नान, पराठा,फुलके सोबत गरम गरम सर्व्ह करावी.