प्रथम शेवया बारीक चुरून घ्याव्या. सर्व ड्रायफ्रूट्सचे उभे पातळ काप करून घ्यावे. खवा दूधात मीक्स करून घ्यावा. गॅसवर एका पॅनमध्ये दूध गरम करायला ठेवावे.

गॅसवर एका कढईत तूप घालावे. तूप वितळले की त्यात सर्व ड्रायफ्रूट्स घालून ते लालसर रंगावर तळून घ्यावेत. एका वाटी मध्ये काढून घ्यावे. त्याच कढईत अजून थोडे तूप घालावे व त्यात शेवया घालून त्या लालसर रंगावर तळून घ्याव्या.

एका वाटी मध्ये काढून घ्याव्या. दूध थोडेसे आटले का ते पहावे.

दूधात फ्राय केलेल्या शेवया घालून सतत ढवळत रहावे. पाच मिनिटांनी त्यात खवा व ड्रायफ्रूट्स घालावे.

साखर घालून चांगले मीक्स करून घ्यावे. पाच मिनिटं उकळू द्यावे. वेलची पूड घालावी.

थोडेसे केशर घालावे. गॅस बंद करावा. तयार शीर कुर्मा एका वाटी मध्ये काढून घ्यावा. केशर व तळलेले ड्रायफ्रूट्स घालून गार्नीश करावे.

गार्निश केलेला शीर कुर्मा सर्ह्र करावा.