प्रथम आलं-लसूण पेस्ट करून घ्यावी. कांद्याची पेस्ट करून घ्यावी. टोमॅटोची प्युरी करावी.काजू व लाल सुक्या मिरच्यांची पेस्ट करून घ्यावी. पनीरचे चौकोनी तुकडे करून घ्यावे. इतर सर्व साहित्य वाटी मध्ये काढून घ्यावे.

गॅसवर एका पॅनमध्ये तेल गरम करायला ठेवावे त्यात ठेवावे. त्यात बटर घालावे. हिंग घालावा.

आलं-लसूण पेस्ट घालून एक मिनीट परतावे. कांदा पेस्ट घालून दोन मिनिटे परतावे. आता टोमॅटो प्युरी घालून दोन मिनिटे परतावे.

आता काजू पेस्ट, लाल मिरची पेस्ट घालून परतून घ्यावे. हळद घालावी.

तिखट, जीरा- धणे पावडर व शाही पनीर मसाला घालून परतून घ्यावे.

मीठ, कसूरी मेथी, मटार व पाणी घालावे.

साखर व फ्रेश क्रिम घालून परतून घ्यावे व झाकण ठेवून मंद आचेवर शिजू द्यावे.

दोन ते तीन मिनीटानंतर झाकण काढून त्यात पनीर घालून मीक्स करून घ्यावे. दोन ते तीन मिनीटानंतर गॅस बंद करावा. भाजी सर्ह्रिंग वाटी मध्ये काढून कोथिंबीर व फ्रेश क्रिम घालून गार्नीश करावे.

शाही मटार पनीर तयार आहे. शाही मटार पनीर जीरा राईस व रोटी बरोबर सर्ह्र करावे.