સૌથી પહેલાં ચાળેલા ઘઉં ના લોટ માં, લાલમરચું, હળદર, જીરું પાઉડર, બા્ઉન ખાંડ, જીરું, અજમો, હીંગ પાઉડર, તલ, મીઠું, આદું- મરચાં ઉમેરી મીક્ષ કરી લો.

હવે, દહીં, મોવન નું તેલ, સમારેલી પાલક, સમારેલી કોથમીર અને અથાણા નો મસાલો ઉમેરો. બધું સરસ રીતે મીક્ષ કરી લો. મેં થેપલાં અને થેપલાં બાઈટ્સ નો લોટ જોડે જ કર્યો છે. હવે, બધું બરોબર મીક્ષ કરી લો. મેં હવે, લોટ ને અડધો અડધો એમ બે વાસણ માં કરી લીધો છે.

હવે, એક લોટ માં થોડું પાણની નાંખી બહુ કાઠો નહીં બહુ ઠીલો નહીં એવો થેપલાં માટે નો લોટ તૈયાર કરો. ૧૫ મીનીટ ઢાંકી ને રાખો, પછી એક સરખાં લુવાં કરી લો અને સરસ બંને બાજુ ગુલાબી થાય એવાં રાખી ગેસ પર લોઢી માં સેકી લો. નાના બનાવસો તો ૧૬ જેવાં થેપલાં થસે. બહુ જ સરસ લાગે છે, આ પાલક નાં થેપલાં.

હવે, બાકી નાં થેપલાં નો મસાલો કરેલાં ૨ કપ જેટલાં લોટમાં ૨ ચમચી ઘી, ૧/૪ ચમચી સોડા અને ૧ ચમચી બેકીંગ પાઉડર ઉમેરો. એકદમ સરસ હાથથી બધું મીક્ષ કરો. આ માં ૨-૩ ચમચી જેટલું જ પાણી લોટ બાંધવા માટે જોઈસે, એટલે પાણી ૧-૧ ચમચી કરી ધીમે ધીમે ઉમેરી સરસ કાઠો લોટ તૈયાર કરો. પરોઠા નો હોય એવો લોટ તૈયાર થસે. હવે એને ઠાંકી ને ૩૦ મીનીટ રાખો. મેં થેપલાં નો લોટ બાંધ્યો ત્યારે આ લોટ પણ બાંધી લીધો હતો, એટલે થેપલાં થાય ત્યાં સુધી એને રેસ્ટ મળી જાય.

હવે, ૩૦ મીનીટ પછી, એમાંથી મોટાં લુવા કરી જરા ક ઘઉં ના લોટ નું અટામણ લઈ મોટો રોટલો તૈયાર કરો.
હવે, આ તૈયાર કરેલાં મોટા રોટલા ને ગમતાં કટર થી કટ કરો. મેં અલગ અલગ ૫ જાત નાં કટર યુઝ કર્યાં છે. મેં એકદમ નાની બાઈટ સાઇઝ માં કર્યાં છે. તમારે મોટા કરવા હોય તો કરી શકો છો. રોટલો વણી જરા પાણી વાળો હાથ ઉપર ફેરવી ઉપર થોડા તલ પણ ભબરાવી સકો છો. પછી કટ કરો, એકદમ સરસ દેખાશે.

હવે, આ કટ કરેલા નાનાં થેપલાં ની ફ્લેવર નાં બાઈટ્સ ને ઓવન ની ટે્ માં છુટ્ટા મુકી બંને બાજુ સરસ ગુલાબી થાય એટલે વાર મુકો. મારે એક બેચ બંને બાજુ ગુલાબી થતાં ૩૦ મીનીટ જેવું થયું હતું. બધાં ઓવન અલગ હોય છે, એટલે એને જોતા રહો અને ટાઈમ એ મુજબ સેટ કરો. મેં ૧૫૦ Celsius પર કર્યાં છે. ૧૫ મીનીટ એક સાઈડ પર રાખી પછી બીજી બાજું ફેરવી ને બીજી ૧૫ મીનીટ સરસ ગુલાબી થઈ ગયાં છે, એક તોડી ને પણ ચેક કરી જોવું કે, અંદરથી કાચું ના રહી ગયું હોય. થોડો ટાઈમ લાગસે પણ બહુ જ સરસ બંને છે. એકદમ ઈઝી પણ છે.

તૈયાર છે, થેપલા બાઈટ્સ. ઓવન માં થી કાઢી થોડી વાર ઠંડા થવા દો. એકદમ ઠંડા થાય પછી એર ટાઈટ ડબ્બા માં ભરી લો. ૧૦-૧૨ દિવસ સુધી એકદમ સરસ રહેસે. મારે ૨ કપ લોટ માંથી નાનાં નાનાં ૬૫ જેવાં બાઈટ્સ બન્યાં છે. અને ૮ મોટા કુકી સેપનાં કર્યાંછે. એને બેક થતાં ૪૦ મીનીટ થઈ હતી.