સૌ પ્રથમ ગાર્લિક બટર બનાવવા માટે એક બાઉલમાં બટર લઈ તેમાં ઝીણી સમારેલી ડુંગળી, કોથમીર અને કેપ્સિકમ ઉમેરવાનું છે.

ત્યારબાદ તેમાં રેડ ચીલી ફ્લેક્સ, ગ્રીન હર્બ અને સ્વાદ અનુસાર મીઠું ઉમેરવાનું છે. બધું બરાબર રીતે મિક્સ કરી રૂમ ટેમ્પરેચર પર સાઇડ પર રાખી દેવાનું છે.

સ્ટફિંગ તૈયાર કરવા માટે બાફેલા બટેટાને મેશ કરીને તેમાં ઝીણી સમારેલી કોથમીર, ઝીણી સમારેલી ડુંગળી અને સમારેલું કેપ્સિકમ ઉમેરવાનું છે.

ત્યારબાદ તેમાં ચાટ મસાલો અને સ્વાદ અનુસાર મીઠું ઉમેરી બરાબર રીતે મિક્સ કરી લેવાનું છે.

એક બ્રેડની સ્લાઈસ લઈ તેના પર સૌથી પહેલા ખમણેલું ચીઝ અને તેના પર બાફેલી મકાઈના દાણા પાથરી દેવાના છે. બ્રેડની બીજી એક સ્લાઈસ લઈ તેના પર તૈયાર કરેલું બટેટાનું સ્ટફિંગ અને તેના પર તૈયાર કરેલી મેંદા ની પેસ્ટ લગાવવાની છે. મેંદા ની પેસ્ટ વાળો ભાગ ઉપર તરફ રહે તે રીતે આ બ્રેડને ચીઝ વાળી બ્રેડ પર રાખી દેવાની છે અને થોડી પ્રેસ કરવાની છે.

એક નોન સ્ટીક પેન પર બટર એપ્લાય કરી પેસ્ટ લગાવેલો ભાગ લોઢી તરફ રહે તે રીતે આ બ્રેડને શેકવાની છે. ઉપરના ભાગ પર પણ બટર એપલાય કરી દેવાનું છે અને તેને પણ ઉલટાવીને શેકી લેવાનો છે.

આ રીતે બંને તરફ બરાબર રીતે શેકી લઈ, મનગમતી રીતે કટ કરી, સલાડ સાથે સર્વ કરી શકાય.