પીગળેલા બટર અથવા તો તેલમાં ખાંડ મિક્સ કરી બરાબર હલાવી લેવું. બીજા વાસણમાં દહીં ઉમેરી તેમાં 1 ટેબલસ્પૂન પાણી ઉમેરી બધું એકદમ બરાબર હલાવી લેવું. એમાં વિનેગર અને બેકિંગ સોડા ઉમેરી બરાબર હલાવવું જેથી કરીને ફીણ થવા લાગે.

હવે ગ્રીસ કરેલા એક બેકિંગ ટીન માં આ બેટર રેડી દેવું અને ઊંચકીને ધીમે રહીને ટેપ કરવું જેથી કરીને હવા બહાર નીકળી જાય. 180 ડિગ્રી પર 35 થી 40 મિનીટ માટે બેક કરવું. કેક બેક થઈ છે કે નહીં એ ચપ્પુની મદદથી તપાસી લેવું. ચપ્પુ સાફ નીકળે તો કેક તૈયાર છે જો ચપ્પુ પર કેકનું બેટર નીકળે તો કેક થોડીવાર વધારે બેક કરવી.

એક મોટા વાસણમાં વ્હિપિંગ ક્રીમ લઈને એને સોફ્ટ પીક્સ થાય ત્યાં સુધી બીટ કરવું. હવે તેમાં ઓરિયો બિસ્કીટ નો ભૂકો ઉમેરી બરાબર હલાવી લેવું.

હવે કેક નો એક ભાગ લઈને એના પર તૈયાર કરેલું ક્રીમ એક લેવલમાં પાથરી દેવું. આ રીતે બાકીના બચેલા ભાગને પણ તૈયાર કરી લેવા. હવે આખી કેક ઉપર ક્રીમ લગાવીને લેવલ કરી લેવું. હવે એક સ્કવિઝી બોટલ માં ચોકલેટ ગનાશ ભરીને સાઈડ પર ચોકલેટ ગનાશ પાઇપ કરવું. પાઈપિંગ બેગ ની મદદથી કેક ની ઉપર ફ્લાવર્સ બનાવવા. કેક ની વચ્ચે ચોકલેટ ગનાશ રેડવું. દરેક ફ્લાવર ની વચ્ચે એક-એક બિસ્કીટ ગોઠવવું અને ગનાશ ની ઉપર પણ થોડો બિસ્કીટનો ભૂકો મુકવો. પસંદગી મુજબ નું કોઈ પણ પ્રકાર નું ફ્રોસ્ટિંગ કરી શકાય. તૈયાર કેક ને રેફરીજરેટ કરવી.