અડદની દાળ અને ચોખાને એક વાસણમાં લઈને તેને બે થી ત્રણ વખત ચોખ્ખા પાણીથી ધોઈ લો. ત્યારબાદ તેમાં પાણી ઉમેરીને તેને પાંચથી છ કલાક માટે પલાળી રાખો

હવે ગેસ પર તેલ ગરમ કરવા મુકો અને સ્ટફ દહીંવડા માટે ફોટા માં બતાવ્યા પ્રમાણે એક ચમચો અને એક ચમચી લઈને તેને પાણી વાળુ કરો. હવે ચમચા ઉપર ચમચી ની મદદ વડે ખીરૂ મૂકો. તેની પર કાજુ દ્રાક્ષ નું સ્ટફિંગ મૂકો. તેની ઉપર ફરીથી પલાળેલી ચમચી વડે એક ચમચી ખીરું લઈને પાથરી દો અને આ દહીંવડા ને ચમચાની મદદથી ગરમ તેલ માં મુકો. દહીંવડા તેલમાં નાખતી વખતે ગેસની flame ફાસ્ટ રાખવી ત્યારબાદ ગેસ ની flame મીડીયમ કરી દેવી.

દહીંવડા તળાઈ જાય એટલે ગરમ તેલ માંથી દહીંવડા ને કાઢી ને તરત જ તેને પાણીની અંદર નાખી દો અને તેમાં 20 થી 25 મિનિટ માટે ડુબાડેલા રહેવા દો. ત્યારબાદ તેને હલકા હાથે દબાવી ને નિતારીને પ્લેટમાં કાઢો.

ગળ્યા દહીં માટે સૌપ્રથમ મોળુ દહીં લેવું અને વિસ્કર ની મદદથી હલાવવું. ત્યારબાદ તેમાં દળેલી ખાંડ, મીઠું તથા સંચળ નાખીને ફરીથી થોડું હલાવી દેવું આમ કરવાથી દહીં એકદમ સોફ્ટ અને ફ્લફી જશે. હવે પ્લેટમાં કાઢેલા દહીંવડા ઉપર ગળ્યું દહીં તથા ખજૂર આમલીની ચટણી નાખો. તેની ઉપર કોથમીરની ચટણી પણ નાખી શકાય છે તે તદ્દન optional છે. સૌથી ઉપર જીરુ પાઉડર, લાલ મરચું કથા કોથમીર નાખી ને સર્વ કરો.