દાળ ને 4-5 કલાક માટે પલાળી દો. પછી કુકર માં પાણી, દાળ, મીઠું અને હળદર નાખી 3 સીટી કરી લો.

પકવાન માટે મેંદો, ઘઉંનો લોટ, રવો, મીઠું, અજમો, તેલ અને પાણી નાખી કઠણ કણક તૈયાર કરો. 30 મિનિટ માટે કણક ને રેસ્ટ આપો. પછી મસળી લઇ લૂવા બનાવી લો.

હવે તેને રોટલી ની જેમ વણી લો. પછી તેલ ગરમ મૂકી મિડીયમ આંચ પર ગોલ્ડન કલર ના થાય ત્યાં સુધી તળી લો.

એક વાસણ માં તેલ ગરમ મૂકી લીમડો, જીરું, લાલ મરચું, ટામેટાં, લીલું મરચું નાખી સાંતળી લો. હવે બધા મસાલા નાખી દો.

બધા મસાલા ને 5 મિનિટ સાંતળી લો. પછી દાળ ને ચમચા વડે ક્રશ કરી નાખી દો અને મિક્સ કરી લો. હવે થોડું પાણી નાખી 10 મિનીટ થવા દો.

ત્યાર બાદ ગરમ મસાલો અને કોથમીર નાખી મિક્સ કરી લો.

તૈયાર છે દાળ પકવાન. લીલી ચટણી, લાલ ચટણી અને ખજૂર ની ચટણી તેમજ મરચા સાથે સર્વ કરો.