સૌપ્રથમ એક બાઉલમાં ચણાનો લોટ રવો લો. ત્યારબાદ તેમાં લીંબુનાં ફૂલ,ખાંડ,હળદર, તેલ મીઠું અને આદુ મરચાની પેસ્ટ નાખી વધુ સારી રીતે મિક્સ કરી બેટર બનાવવું.

આ બેટરને 10 થી 15 મિનિટ સુધી ઢાંકી ને સાઈડ માં મૂકી દેવું.
ઢોકળિયામાં પાણી ગરમ કરવા મૂકવું. ત્યારબાદ એક ડબ્બમાં તેલ લગાવી લેવું.

હવે બેટર માં બેકિંગ સોડા નાખી પાંચ મિનિટ ફટાફટ હલાવી લેવું. બેટા નો કલર એકદમ ચેન્જ થઇ જશે અને બેટર એકદમ હળવું થઈ જશે. તેને તરત જ તેલ લગાડેલા ડબ્બામાં રેડી દસથી પંદર મિનિટ ઢોકડિયા માં મૂકી દેવું. ઢોકળા થઈ જાય એટલે ચાકુની મદદથી ચેક કરી લેવું.

ખમણ બની ને રેડી થાય ત્યાર પછી ૧૦થી ૧૫ મિનિટ સુધી ઠંડુ પડવા દેવા.
હવે એક પેનમાં તેલ ગરમ મૂકી તેમાં રાઈ લીમડો અને મરચાના ટુકડા નાખવા. ત્યારબાદ તેમાં 2 કપ પાણી અને ખાંડ નાખી એકદમ ઉકળવા દેવું
હવે ખમણના પીસ કરો. એજ ડબ્બામાં ધીમે ધીમે બધી બાજુ બનાવેલ વઘાર રેડવું.