प्रथम मसूर ७/८ तास पाण्यात भिजत घालावेत. मग कांदा बारीक चिरुन थोड्या तेलावर परतावा. टोमॅटो व लसूण बारीक चिरुन घ्यावा.

मग कुकरला फोडणी करुन त्यात कांदा, लसूण व टोमॅटो घालून परतावे. मग सगळे मसाले म्हणजे लाल तिखट, गरम मसाला व धनाजीरा पावडर घालून २/४ मिनिटे परतून मग भिजवलेले मसूर घालावेत.

चवीनूसार मीठ घालावे व १५/२० मिनिटे इंन्टंट पॅाटला शिजवावी. अख्खा मसूर भाजी तयार. ही भाजी पोळी किंवा गरम भाताबरोबर सर्व करावी.