સૌપ્રથમ ગુંદા ને ધોઈને કોરા કરી લેવા. હવે એક દસ્તા ની મદદથી ગુંદા માંથી ઠળિયા કાઢી લેવા. ગુદા માંથી ખુબજ ચીકણો પદાર્થ નીકળે છે જેથી કરીને મીઠામાં બોળેલી છરી ની મદદ થી ઠળિયા બહાર કાઢવા. ગુંદા ને એક છાપા પર મૂકીને ઠળિયા કાઢવા જેથી કરીને બીજી કોઈ સપાટી બગડે નહીં. કેરીને ધોઇને એકદમ કોરી કરીને છાલ ઉતારી લેવી અને કેરી ને છીણી લેવી.

હવે કેરીની છીણમાં રાયના કુરિયા અને અથાણાનો મસાલો સરખી રીતે મિક્સ કરવો.

તૈયાર કરેલ આ મસાલાને ગુંદા માં ભરી દેવો. હવે ગુંદા ને ઢાંકીને લગભગ છ થી આઠ કલાક માટે રહેવા દેવા. હવે અથાણાં માં તેલ 1 કપ તેલ ઉમેરવું. (તેલ ને ધુમાડા નીકળે તેવું ગરમ કરીને એકદમ ઠંડુ કરી લેવું અને ત્યારબાદ જ અથાણામાં રેડવું.)

અથાણા ને કાચની અથવા સિરામિકની બરણીમાં ભરીને તેલ ઉપર રહે એ રીતે રાખવું. આ અથાણું રૂમ ટેમ્પરેચર પર ઘણા મહિનાઓ સુધી સારું રહે છે પરંતુ ફ્રીજ માં રાખવાથી એનો રંગ અને સ્વાદ જળવાઈ રહે છે તેમજ ગુંદા એવા ને એવા કડક રહે છે.