સૌ પ્રથમ પાણી ને થોડું ગરમ કરી લો. પછી એક કથરોટ માં લોટ લઈ તેમાં તેલ નું મોણ નાખી બરાબર મિક્સ કરી લેવાનું. પછી તેમાં ગરમ કરેલ પાણી ઉમેરાતાં જવાનું અને મૂઠિયાં તૈયાર કરી લેવાના.

હવે એક પેન માં તેલ ગરમ કરી તેમાં તૈયાર કરેલા મૂઠિયાં ને બ્રાઉન કલર ના થાય ત્યાં સુધી તળો. પછી મૂઠિયાં ને થોડા ઠરવા દો.

હવે તેના નાના ટુકડા કરીને મિક્ષ્ચરમાં ક્રશ કરી લો. અને પછી કાજુ ને પણ અધકચરા ક્રશ કરી લો.

હવે એક તપેલીમાં ગોળ લઈ તેમાં ઘી નાખી તેની પાઈ તૈયાર કરી લો. ખાસ ધ્યાન રાખવું કે ગોળ ઓગળી જાય ત્યાં સુધી જ કરવાનું. સાવ ધીમા તાપે કરવાની. ગોળ ઓગળી જાય પછી તરતજ ગેસ બંધ કરી દો. અને એક તપેલીમાં ઘી પણ ગરમ કરી લો.

હવે આ પાઈ અને ગરમ કરેલ ઘી પણ ક્રશ કરેલા લોટ માં બરાબર મિક્સ કરી લો. પછી તેના તરત લાડવા વાળી લો. પછી તેની ઉપર ખસખસ લગાવી દો.

હવે તૈયાર છે ગણપતિ બાપા ના પ્રિય એવા લાડવા.