લચોખાની કણક રેડી કરવા માટે:- એક તપેલીમાં ૨૦૦ મિલી પાણીમાં ઘી અને ખાંડ નાંખી ઉકાળવું. એક ઉફાણ આવી જાય પછી સ્ટવ ઓફ કરી ચોખાનો લોટ નાંખી હલાવી ઢાંકણ ઢાંકી દેવું.

થોડું ગરમ જ હોય ત્યારે પાણીવાળા હાથ કરી ૧૦ મિનિટ સુધી મસળવાથી સોફ્ટ કણક તૈયાર કરવી. તેલવાળા હાથ કરી ૧ મિનિટ મસળવું.

એક પેનમાં ૨ ચમચી ઘી અને કોકોનટનુ છીણ ઉમેરી ધીમા તાપે શેકવું. ગોલ્ડન બ્રાઉન કલર થાય પછી ગોળ નાંખી ૫ મિનિટ સુધી હલાવીને શેકવું. એલચીનો પાઉડર ઉમેરી હલાવીને મિશ્રણને ઠંડું થવા રાખવું.

હવે કણકમાંથી એક લુવો લઇ ગોળાકાર બનાવી હાથથી પ્લીટ્સ કરી તૈયાર સ્ટફીંગ ભરવું. બધા મોદક આ રીતે તૈયાર કરવા. મોદકના મોલ્ડ પણ બજારમાં મળે છે.

તૈયાર કરેલા મોદકને સ્ટીમરમાં કેળાંના પાન પર રાખીને ૧૦ મિનિટ માટે બાફી લેવા. ઠંડા થાય પછી ભગવાનને પ્રસાદમાં ધરાવવા.