સૌપ્રથમ દાળ અને ચોખાને બરાબર ધોઈને 1/2કલાક પલાળી રાખો. અને શાકભાજી ને સમારી લેવા.

એક કૂકરમાં ઘી ગરમ કરી તેમાં બધા ખડા મસાલા, રાઇ, જીરુ, લીલા મરચાં, આદુ, લીમડો અને હીંગ નો વઘાર કરવો. પછી તેમાં બટાકા,ગલકા,ગાજર, કોબીજ અને તુવેરના દાણા ઉમેરી મિક્સ કરી બરોબર મિક્સ કરી લેવું.

પછી તેમાં હળદર, લાલ મરચું પાઉડર, ધાણાજીરુ ઉમેરી બરોબર મિક્સ કરી લો. પછી તેમાં દાળ અને ચોખા ઉમેરી 1 મિનિટ સાંતળો.

પછી તેમાં 3 વાટકી પાણી અને મીઠું ઉમેરો. પાણી ઉકળવા લાગે એટલે કુકર બંધ કરી 3 સીટી વગાડવી.

કુકર ઠંડુ પડે પછી ગરમા ગરમ ખીચડી ને દહીં, પાપડી અને સલાડ સાથે પીરસવી.